Мәктәп күләмендә математика, информатика,  физика декадасы үткәрелде.

1 декабрь көнне программа белән таныштырылды.

3 декабрь көнне “Информатика иленә сәяхәт” интеллектуаль күңел ачу уены оештырылды. Һәрбер дөрес җавап биргән укучыга махсус “бит”лар бирелеп барылды.

5 декабрь көнне математика буенча 7 сыйныф укучылары арасында ярыш уздырылды.

 6 декабрь көнне укучылар физикадан көчләрен сынаштылар. Бу уенда 9 сыйныф укучыларыннан торган “220 в” һәм “Яктылык” командылары көч сынашты. Ә 8 сыйныф укучыларыннан оешкан “Шаяннар” командасы укучыларга төрле кызыклы вакыйгаларны сәхнәлештереп күрсәттеләр.

 7 декабрь көнне “Математик лоторея” булып узды. Алдан ук алып куелган билет номерлары туры килгән сорауларга дөрес җавап бирүчеләргә бүләкләр бирелде.

 8 декабрь көнне геометрия фәне буенча интеллектуаль күңел ачу уены булып узды. Бу уеннарда 9 һәм 10 сыйныф укучыларыннан торган ике команда көч сынашты.

9 декабрь көнне  6 сыйныф укучылары арасында математика фәне буенча бәйге оештырылды. Укучылар үзара көч сынаштылар. Иң күп дөрес җавап бирүчеләр җиңүчеләр дип танылдылар.

10 декабрь көнне исә информатика укытучысы оештырган “Аукцион” булып узды. Монда укучылар атна буе иҗат эшләре тапшырып җыйган “бит”  һәм  “байт” ларына төрле әйберләр сатып алдылар.

9-11 сыйныф укучылары 6 декабрьдә информатика, 7 декабрьдә математика, 10 декабрьдә физика буенча  КФУ үткәргән On-Line  олимпиадада катнашып, үзләрен сынады.