12 нче ел рәттән мәктәбебездә "Солдат хатлары уку" кичәсе үтә. Бу кичәгә хәзерлек кышкы каникул кәннәрендә үк башлана. "Туган якны өйрәнү" түгәрәгенә йөрүче укучылар белән бүгенге көндә армия сафларында хезмәт итүче авылдаш егетләргә  бәйрәм котлавы итеп хатлар языла, бүләкләр , чакыру хатлары хәзерләнә. Концерт номерлары һәм язмалар ясала. Быел-18 февральдә үткәрелгән кичә " Ватанны саклау дигән һөнәр бар..." дип исемләнде. "Компьютер -музейда, музей - компьютерда"  түгәрәгендә йөрүче 9 сыйныф укучылары һәр егеткә багышланган видеосюжетлар хәзерләде, түгәрәк җитәкчесе солдат егетләр белән телефоннан туры элемтә оештырып , әниләре белән сөйләшү, укучыларны бәйрәм белән котлау мөмкинлеге тудырды. Һәр солдат анасына  чигелгән кулъяулыклар бүләк ителде.