Бүген мәктәптә укытучылар коллективының 1нче яртыеллык нәтиҗәләре буенча киңәшмәсе үтте. Анда түбәндәге мәсьәләләр каралды:

Яшүсмерләр арасында хокук бозу профилактикасы буларак,  балигъ булмаган балаларның закон үтәү тәртибен формалаштыру.

ФГОС таләпләре буенча дәрестән тыш эшчәнлекне оештыру.

Контроль эш нәтиҗәләре. 

2нче чирек нәтиҗәләре. Өлгереш һәм йөреш.

Төрлеләр.

Мәктәптә ГО укулары үтте. Нәтиҗәдә, иң әзерлекле мәктәп булып билгеләнде.

Укучылар мәктәп территориясен кар сыннары белән баеттылар. Эшләре искиткеч булды. Сокланырлык та бит!!!

Бүген Бакырчы төп мәктәбенең 1-6нчы сыйныф укучылары балалар шагыйре, авылдашыбыз Шәүкәт ага Галиевнең туган көненә багышланган эчтәлекле кичә оештырдылар. Укучылар тарафыннан авылдашыбызның шаян шигырьләре сәхнәләштерелде, җырлар җырланды. 2нче сыйныф укучылары  “Бииләр итек-читекләр” җырына бию тәкъдим иттеләр.

  Кичә Шәүкәт ага Галиевнең иҗат йортында-музейда үтте.  Музей җитәкчесе Гыйлметдинов Рәшит абый авылдашыбызның кыскача тормыш юлы, истәлекле мизгелләре белән укучыларны таныштырып китте. Бакырчы җирле үзидарәсе рәисе Вәлиев Фәрит абый да Шәүкәт аганың олы җанлы әдип булуына басым ясады. Киләчәктә шигырьләре онытылмасын, укучылар тарафыннан гел өйрәнелеп торсын дигән теләкләрен җиткерде. 

Мәктәптә юл-транспорт һәлакәте корбаннарын искә алу көне билгеләп үтелде. 

ЮИД отряды членнары укучыларга юлда йөрү кагыйдәләрен аңлаттылар, кызыклы сораулар биреп, белемнәрен сынадылар.

В МБОУ «Бакрчинская ООШ» прошел Единый День правовой помощи. С учащимися школы провели круглый стол на тему «Знаешь ли о своих правах?». Учащиеся 7-9 классов задавали интересующие себя вопросы.  Круглый стол удался.

Шәүкәт Галиев исемендәге Бакырчы төп мәктәбендә башлангыч сыйныф укучылары Татарстан эзтабарлары сафына кабул ителделәр. Киләчәктә үрнәк эзтабар булырга, яхшы укырга, туган илне яратырга сүз бирделәр.

1959-1972нче еллар аралыгында Бакырчы мәктәбендә директорлык вазыйфасын башкарган, тарих фәненнән белем биргән татар матбугатының хәбәрчесе, Россия Мәгариф отличнигы, ТР-ң һәм РФ-ң Почетлы лекторы Сираҗиев Рәшит абый белән истәлекле очрашу үтте.  Ул эшләгән елларын сагынып искә алды, бүгенге заман мөмкинчелекләренең зур булуы хакында сөйләде. Истәлек итеп "Сугыш чоры балалары" исемле китапларын бүләк итте. Анда Рәшит абыйның "Әти рухына бер дога" исемле үз хикәясе дә кертелгән.

   Укучылар өчен дә очрашуның  тәрбияви роле зур булды.