Бүген балалар бакчасында Нәүрүз бәйрәме гөрләп узды. Нәүрүз – татар халкының иң матур йола бәйрәмнәреннән берсе.Бу бәйрәм безнең төбәкләрдә, язны каршылап, язгы чәчү эшләре алдыннан үткәрелә торган халык бәйрәме булып санала. Ул – дуслык, киң күңеллелек, кунакчыллыкны үз эченә ала. Нәүрүз – фарсыча “яңа көн” дигәнне аңлата, икенче төрле язгы Яңа ел, дип тә әйтәләр.
Фольклор бәйрәмнәрен уздыру балаларыбызда телебезгә карата мәхәббәт хисләре, әхлак тәрбисе уятырга ярдәм итә, борынгы гореф-гадәтләрне онытмаска өйрәтә.
Мәктәп белән хезмәттәшлек итү максатыннан икенче сыйныф укучыларын да кунакка чакырдык. Балалар бергә яз турында җырлар башкардылар.
Бәйрәмебез уеннар белән үрелеп барды. Кыш бабай һәм Нәүрүз командалары көч сынашты.
Ахырдан кунаклар бергәләп карга боткасы һәм коймак белән сыйландылар. Ә саф һавада ботка аеруча да тәмле була!