Милли мәдәниятләр һәм традицияләр елы кысаларында 26 нчы сентябрьдә Сөләй урта гомуми белем бирү мәктәбендә «Сөмбелә» татар милли бәйрәме уздырылды. "Сөмбелә" бәйрәмендә 1-4 нче, 6-8 нче сыйныф укучылары катнашты. Бу көнне мәктәптә халыкның гореф-гадәтләре, җырлары, биюләре берләштерелде. Кызыклы уеннар, биюләр һәм җырлар аша балалар бәйрәм тарихы белән таныштылар. Укучылар көз турында татар телендә шигырьләр сөйләделәр, җырлар җырладылар, табышмаклар чиштеләр, шулай ук бәйрәмнең төп героена бүләкләр ясадылар. Барлык кызлар да “Сөмбелә” костюмын әзерләгәннәр. Берсе икенчесеннән матуррак. Җиңүчене сайлау бик авыр булды. Шулай ук бәйрәмдә яшелчә, җиләк-җимешләрдән ясалган эшләнмәләр күргәзмәсе оештырылды, анда укучылар һәм ата-аналар катнашты. Һәрбер эш үзенең матурлыгы һәм оригинальлеге белән аерылып торды һәм барысын да ​ гаҗәпләндерде.  ​ ​ ​ ​ Чара программасы бик бай булды, җырлар һәм биюләр балаларда яхшы кәеф булдырды. Бәйрәм барлык катнашучыларда да онытылмас тәэсир калдырды.