Атна дәвамында мәктәп китапханәсендә Муса Җәлил иҗатына багышланган китап күргәзмәсе  эшләде.  Муса Җәлилнең иҗатына багышлап рәсемнәр һәм плакатлар күргәзмәсе оештырылды.   «Муса  Җәлил – патриот шагыйрь» темасына тәрбия дәресләрендә әңгәмәләр уздырылды. “Муса Җәлинең тууына 113 ел” темасына татар әдәбияты һәм рус әдәбияты дәресләрендә әңгәмәләр циклы оештырылды:“Җәлилчеләр үлемсез”,Җәлил – фронтовик шагыйрь”, “Истәлекле булып калыр жыр”. 

15 нче февраль көнне  “Әдәбиятта һәм сәнгатьтә Җәлил образы” темасына әдәби кичә узды. Кичәдә 4-7 нче сыйныф укучылары катнашты.  Кичә барышында укучылар  шагыйрьнең  тормышын, иҗат юлын  чагылдырган  документаль фильм карадылар. 5 нче сыйныфлар  үзләре әзерләп килгән презентацияләрен тәкъдим иттеләр.  Икенче кисәктә укучылар Муса Җәлилнең шигырьләрен яттан  сөйләделәр.  Кичәдән укучылар да, укытучылар да рухи яктан баеп, илһам алып, яңа белемнәр туплап таралыштылар. 

15 нче февраль көнне  7 нче сыйныф укучысы Гиздатуллин Раил “Муса Җәлил укулары"ның муниципаль этабының тәбрикләү тантанасында катнашты. Бөтендөнья татар конгрессының Әлмәт бүлеге Әлмәт районы мәдәният идарәсе Әлмәт районы үзәкләштерелгән китапханәләр системасы тарафыннан “М.Җәлил турында” номинациясендә 3 нче урын яулаган өчен грамота белән бүләкләнде. Анда районыбызның шагыйрәләре язучылары белән очрашты.

Мәктәбебез,  Әлмәт районының Шарлама авылында туып үскән, гади оператордан алып “Татнефть” кебек олы ширкәтнең җитәкчесенә кадәр күтәрелеп, үзе артыннан зур эзләр һәм эшләр калдырган Ринат Галеев исемен йортә. Бүген мәктәптә аны искә алу кичәсе узды.

Кунаклар музейда.

Ринат абыйның сеңлесе Чәчкә апа үзенең хәтирәләре белән уртаклаша.