Мәктәптә зур чара - Укытучылар көненә багышланган Үзидарә көне үткәрелде. Иртәнге линейкада укучылар яраткан укытучыларын бәйрәм белән котладылар, аннары югары класс укучылары укытучылар роленә керделәр. Алар дәрескә ныклы әзерлек белән җаваплылык тоеп керделәр. 

Мәктәбебезнең тарих һәм җәмгыять белеме укытучысы Гатауллина Гөлнара Әнвәр кызы 6 октябрь көнне Казанда уздырылган Укытучылар көненә багышланган зур чарада катнашты.

"Республика масштабындагы мондый зур бәйрәмдә минем беренче катнашуым. Хис - кичерешләрем әйтеп бетергесез. Миндә үземнең профессиямә карата мәхәббәт, горурлык хисләре уянды. Тагын да тырышып эшләргә дәрт кабынды. Республикабыз һәм районыбыз җитәкчеләре алдында безне зурлаганнары өчен баш иям" диде ул.

Туган як тарихын өйрәнү тарихи чыганакларга нигезләнә. Безнең авылда Сөләйман килеп утырган тарихи урын бар. 5 нче сыйныф укучылары археологик экскурсиягә бардылар. Казу эшләре алып бардылар. Язма һәм матди чыганаклар эзләделәр. Шайхулов Алмир 1942 дигән язу тапты. Валиахметов Булат борынгы ваза тапты. Халиуллина Сөмбел ниндидер иероглифка ошаган язулар тапты.

30 сентябрь көнне мәктәбебез музеена авылыбызның өлкән буын вәкилләре кунакка килделәр. Алар укучылар белән очраштылар, кызыксындырган сорауларга җавап бирделәр.

Бүгенге көндә Сөләй авылында 3 Бөек Ватан сугышы ветераны яши. Шуларның берсе - Галиуллин Зәкәрия абый - музейның кадерле кунагы. Ул безгә сугыш истәлекләре турында сөйләде, киңәшләрен бирде. Аның бердәнбер теләге - илләр-көннәр тыныч булсын, сугыш булмасын.

Мәктәптә "Белем бәйрәме".  Без 1 нче сыйныфка 9 укучы кабул иттек. Аларны дәрескә Беренче кыңгырау озатып калды.

Укучылар, укытучылар һәм техник хезмәткәрләр Эллада - тур фирмасы оештырган  сәяхәттә булдылар.

Болгар шәһәрлеге музеенда.

Җәмигъ мәчетендә. Иң мөһим корылмаларның берсе, Болгар дәүләтендә Ислам дине кабул ителүгә бәйле.

Ике авыл арасында урнашкан "Суер тау"га тарихи экскурсия. 

Экскурсиягә нәтиҗә ясау.