Узып баручы атна5 нче гимназиядә татар теле атналыгы буларак билгеләп үтелде һәм ул якташыбызгалим, мәгърифәтче Р.Фәхреддингә багышланды. Бу бөек шәхескә багышланган чараларда укучылар бик теләп катнаштылар. 5 нче сыйныф укучылары бөек шәхеснең тормышын һәм иҗатын киң яктырткан, халкыбызның бай тарихын үзенә туплаган Кичүчат авылындагы мемориаль музейга экскурсиягә бардылар. Югары һәм урта сыйныф укучылары белән галимнең иҗатына багышланган “Кыйммәтле мирас” темасына дәрес-конференция уздырылды. Шулай ук шәһәр китапханәсенең 2нче филиалы , мәктәп китапханәсе хезмәткәрләре һәм гимназиянең татар теле һәм әдәбияты укытучылары белән берлектә уздырылган әдәби-музыкаль кичә дә укучылар күңеленә хуш килгәндер дип уйлыйм.