2013нче елның  20нче ноябрендә  Әлмәт шәһәренең  “5нче гимназиясе”ндә Татарстан язучылар берлеге әгъзалары  Ә.Г.Исхаков,  Ә.Г.Гаффаров, З.М.Мансуровлар белән очрашу кичәсе булды. Очрашуда гимназиянең барлык укучылары да актив катнашты. Язучыларның чыгышлары укучыларыбыз тарафыннан сөйләнгән  әсәрләр өзекләр, җырлар, шигырьләр белән үрелеп барды. Әдипләребез үзләренең хәзерге әдәбиятка, аның тәрбия процессысына йогынтысы турында сөйләделәр, шигырьләр укыдылар, автографлары белән үзләренең китапларын гимназиябез китапханәсенә бүләк иттеләр. Укучыларыбыз язучыларга үзләрен кызыксындырган сорауларын да бирделәр һәм бик кызыклы, эчтәлекле җаваплар  алдылар.
Әдипләребезгә гимназиябездәге милли мөхит,  укучыларыбызның әзерлек дәрәҗәсе күңелләренә хуш килде,  халкыбызның мәдәни тарихын тирәнтен белеп үскән милләтебезнең лаеклы варислары чыгышын күреп чиксез горурланулары турында әйттеләр.
Гимназиябезнең җитәкчесенә,  татар теле укытучыларына  шундый күркәм очрашу үткәргән өчен әдипләребез чиксез рәхмәтләр җиткерделәр