Укучыларның иҗади казанышлары – бу мәктәпнең җимеше.   Һәр уңышка ирешүнең сәләт-талант нәтиҗәсе генә түгел, ә тырышлык нәтиҗәсе икәнен беләбез. Баланың сәләтен дөрес юнәлештә үстергәндә ул берничә өлкәдә үзенең талантын күрсәтә ала.

     Татар теле һәм әдәбияты укытуны камилләштерү, укучыларның белемгә омтылышын көчәйтү, зыялы шәхесләр тәрбияләү, һәм иң мөһиме, араларыннан аеруча сәләтле укучыларны сайлап алу максатыннан һәр елны район һәм республикабызда фән олимпиадалары уздырыла.

     Безнең Түбән Мактама 2нче урта гомуми белем бирү мәктәбе укучылары да барлык олимпиадаларда  актив катнашалар һәм призлы урыннар яулыйлар. 2014-2015нче уку елында районыбыз данын яклап Казан шәһәрендә үткәрелә торган олимпиадада 9 сыйныф укучылары Нуруллина Гөлназ һәм Айназ, 10нчы сыйныф укучысы Идиятуллина Айсылу татар теленнән һәм әдәбиятыннан 4 призлы урын алып кайттылар. Без аларны һәм укытучыларын Аглиева Гөлназ  Фоатовнаны һәм Вилданова Ләйсән Марсовнаны бу уңышлары белән котлыйбыз.