21 нче февраль – халыкара туган тел көне.  Бу уку елында да Түбән Мактама икенче урта мәктәбендә ул зур бәйрәм булып билгеләп үтелде. Туган тел көне татар теле һәм әдәбияты дәресләрендә «Теле барның – иле бар!”  темасы буенча әңгәмәләр һәм “И туган тел!” җыры белән башланып китте. Мәктәбебезне Муса җәлил иҗатына багышланган рәсемнәр күргәзмәсе бизәп торды.  6 нчы сыйныф укучылары “Мин татарча сөйләшәм” акциясендә катнаштылар.  Укытучылар һәм укучылар белән берлектә оештырылган “Туган телем – иркә гөлем” дип исемләнгән әдәби кичә бәйрәмебезгә ямь өстәде. Укучылар бик сәнгатьле итеп туган телгә багышланган шигырьләр сөйләделәр, җырлар башкардылар, мәкаль- әйтемнәр аркылы туган телнең кеше тормышында никадәр зур әһәмияткә ия икәнен ачып күрсәттеләр. Туган тел бәйрәме укучыларның яраткан бәйрәменә әйләнеп бара, һәр халыкның телен, мәдәниятен саклауга үз өлешен кертә. Гомумән алганда, Туган  тел көне уңаеннан үткәрелгән бу чараларның укучыларның белем дәрәҗәсен арттыруда, тәрбияви яктан әһәмияте бик зур.