Табигатькә сәяхәт Һәрбер ел фасылы үзенчә ямьле, күркәм, серле. Ә көз, мөгаен, иң купшы ел фасылының берседер. Көз диюгә бөек татар классигы Гәрәй Рәхимнең түбәндәге шигырь юллары күз алдына килеп баса: “Саргайган яфраклар җиргә Сарыладыр сак кына, Сары була белә шулай Безнең туган як кына...” Менә шундый ямьле көз көннәренең берсендә 3 “В” һәм 3 “Г” сыйныфы укучылары көзге табигатькә сәяхәткә юнәлделәр. Челтерәп аккан Шәмсинур чишмәсен, анда күптән түгел яңа ачылган искиткеч матур паркны сокланып карадылар, чишмә суының температурасын үлчәделәр, табигать могҗизаларын күзәттеләр, микрорайонның гаять бай китапханәсендә кунакта булдылар, анда иң зур энциклопедияне күрделәр, китапханәче белән тыгыз элемтәгә кереп, үзләренә файдалы мәгълүматларны алдылар, кызыклы әдәбият белән таныштылар, хәтта күчмә китапханә белән дә кызыксындылар. Татарстан Республикасы, Әлмәт шәһәренең, “Риза Фәхретдин исемендәге 1 – нче гимназия”сенең “Мирас юлы” укучылар оешмасының җитәкчесе Вильданова Флюзә Әнис кызы

Бәйрәм белән, хөрмәтле укытучылар! 5 октябрь көнне 11 – нче сыйныф укучылары укытучыларны иртүк гимназия каршында ук бәйрәмчә каршы алдылар. Һәрбер мөгаллимгә кызыклы сораулар, үз куллары белән ясалган бүләкләрен әзерләгәннәр. Хәтта һәркемне истәлекккә фотога төшерергә дә онытмадылар. II каттагы фойеда укытучыларны инструменталь ансамбль концерты каршы алды. Төштән соң мәҗлесләр залында бәйрәм дәвам итте. Гимназия директоры Валиуллина Фирүзә Җәвит кызы мөгаллимнәрне бәйрәм белән кайнар котлады, аларга иң изге теләкләрен әйтте һәм мактау грамоталарын тапшырды. Ә югары класс укучылары үзләренең бәйрәм концертын һәм юмористик видео язмаларын тәкъдим иттеләр, викторинада да сынап карадылар. Укытучылар тантаналы чарадан бик канәгать калдылар, күтәренке кәеф белән эшләрен дәвам иттеләр. Татарстан Республикасы, Әлмәт шәһәренең “Риза Фәхретдин исемендәге 1 – нче гимназия” сенең “Мирас юлы” укучылар оешмасының җитәкчесе Вильданова Флюзә Әнис кызы

Юл хәвефсезлеге буенча сыйныф сәгате 30 сентябрь көнне 6 “А” укучылары белән “Юлда йөрсәң, сак бул!” темасына класс сәгате үткәрелде. Башта укытучы һәм балалар арасында диалог оештырылды. Шулай ук “Юлда йөрүчеләрнең кагыйдәләре” темасына әңгәмә уздырылды, интернет – ресурслар кулланылды, викторина булды.Укучылар сыйныф сәгатендә активлык күрсәттеләр: диалогта катнаштылар, сорауларга җавап бирделәр. Мондый дәрес юл хәвефсезлеге буенча иң уңышлы дәрес төрләренең берсе дип уйлыйбыз. Татарстан Республикасы, Әлмәт шәһәренең “Риза Фәхретдин исемендәге 1 – нче гимназия”сенең “Вакыт машинасы” төркеменең җитәкчесе Вильданова Флюзә Әнис кызы

Укытучы - үзенчәлекле һөнәр иясе. Ул кешедән төпле белем, түземлелек, һәр бала белән дустанә мөнәсәбәт сорый. Кайсы гына ата-анадан: “Балагызның аң-белемен үстерүдә иң күп көч куйган кеше кем” дип сорасаң да, алар, һичшиксез, “Укытучы!” диячәкләр.
Укытучылар көне - белем бирү өлкәсендә эшләүчеләрнең һөнәри бәйрәме. Әлеге бәйрәм төрле илләрдә төрле көннәрдә үтә.
Укытучылар көне бездә 5нче октябрьдә бәйрәм ителә. Бу бәйрәм Россиядә 1965нче елдан билгеләнеп үтелә башлаган. Россиядә Укытучылар көнен Юнеско бары тик 1994нче елның 3 октябрендә генә, РФ президенты карары нигезендә раслады. Кытайда Укытучылар көне 1989нчы елдан бирле, 10нчы сентябрь көнне үткәрелә. Ул белем һәм рухи эшчәнлекне кире кайтарыр өчен барлыкка килгән.
Казахстанда Укытучылар көне “искечә” октябрь аеның беренче ял көнендә, СССРның Югары Советы Президиумы ризалашкан карары нигезендә, 1965нче елның 29нчы сентябрендә бәйрәм ителә.
Бразилиядә Укытучылар көне (o Dia do Professor) 15нче октябрь көнне билгеләнеп үтелә. Бу бәйрәмнең тарихы түбәндәгедән гыйбарәт: 1827нче елның 15нче октябрендә Дон Педро I җитәкчелегендә беренче тапкыр Бразилиядә башлангыч белем бирү турында указ кабул ителә. Анда шәһәр, авыл һәм башка җирле үзидарәләрнең беренче әлифбаны өйрәнергә тиеш дип әйтелгән була. Әмма кызганыч ки, әлеге документның күп кенә положенияләре кәгазьдә 120 ел кала бирә.
Тәүге тапкыр Укытучылар көне Сан-Паулу шәһәрендәге кечкенә генә 1520нче номерлы мәктәптә,1947нче елда үтә.
Әзербайҗанда исә Укытучылар көне шулай ук октябрь аеның беренче ял көнендә бигеләнеп үтелә. Һәм ул быел 7 октябрьгә туры килә.
Шушы уңайдан барлык белем бирүчеләрне бүгенге һөнәри бәйрәме - Укытучылар көне белән ихластан кайнар котлыйбыз! Сез - укучыларга “икенче әни” яисә “икенче әти” булып, аларга үзегезнең йөрәк җылыгызны бирергә, укымышлы булсыннар дип бар белемегезне ачып салырга әзер затлар. Бүгенге президент та, тәҗрибәле теш табибы да, мәртәбәле юрист та, оста пешекче дә һәм башка үрнәк итеп куярлык һәнәр ияләре дә - сездә белем һәм тәрбия алган кешеләр. Сезгә корычтай нык сәламәтлек, гаилә бәхете, һәр туачак таңга сөенеп имин тормышта яшәвегезне теләп калабыз.

Сәламәт тәндә – сәламәт акыл! Көзнең искиткеч матур бер якшәмбе көне. Шәһәребездә бәйрәм хисе! Тантаналы көй яңгырый. Күтәренке кәеф белән, спорт киемнәреннән, халык: олысы да, кечесе дә үзәк мәйданга агыла. 28 сентябрь – Татарстанда милли кросс! “Риза Фәхретдин исемендәге 1 – нче гимназия” укытучылары һәм укучылары да кросста актив катнаштылар. Көзге марафон һәркемнең күңеленә хуш килде. Сәламәтлек – зур байлык! Татарстан Республикасы, Әлмәт шәһәренең “Риза Фәхретдин исемендәге 1 – нче гимназия”нең “Мирас юлы” укучылар оешмасының җитәкчесе Вильданова Флюзә Әнис кызы

«Вакыт машинасы» 3 «Б» сыйныфында! 23 сентябрьдә “Вакыт машинасы” төркеменең вәкилләре 3 “Б” классында төрле бәйгеләр, юл кагыйдәләре һәм ашыгыч ярдәм буенча уеннар оештырдылар. Укучылар, 3 төркемгә бүленеп, юл билгеләренә кагылышлы белемнәрен күрсәттеләр, сорауларга җавап бирделәр, кайбер очракларда аеруча мөһим булган ашыгыч ярдәм кагыйдәләрен искә төшерделәр, игътибарлык дәрәҗәсен тикшерделәр. Уен рәвешендә үткәрелгән чаралар укучыларга материалны яхшырак үзләштерергә һәм аны көндәлек тормышта кулланырга ярдәм итә. Татарстан Республикасы, Әлмәт шәһәренең “Риза Фәхретдин исемендәге 1 – нче гимназия” нең “Вакыт машинасы” җитәкчесе Вильданова Флюзә Әнис кызы

Мәдәният дөньясында 25 сентябрьдә 9 «А” сыйныфы укучылары драмтеатрда сәяхәттә булдылар. Биредә Казан шәһәреннән килгән кунакларыбыз тамашачыларга концерт бүләк иттеләр. Талантлы остазлар музыка сөючеләрне һәрбер уен коралы белән таныштырып, аларга нәфис җыр – моң дөньясының серләрен ачтылар. Хәтта, укучылар белән ансамбль оештырып, төрле – төрле көйләр дә башкардылар. Очрашу бик күңелле булды. Әлмәт шәһәренең “Риза Фәхретдин исемендәге 1 – нче гимназия”нең “Мирас юлы” укучылар оешмасының җитәкчесе Вильданова Флюзә Әнис кызы

Сез иң гүзәл кеше икәнсез! Быелгы көз, борынгылар әйтүенчә, тарихыбызда иң сирәк очрый торган, аеруча ямьле, гүзәл, сихри көчкә ия булган көзләрнең берсе. Кояш, ихлас күнеленнән, серле табигатькә үзенең якты нурларын сибә, һәркайсыбызның күңелен дәртләндереп, җилкендерә. Нәкъ күренекле татар шагыйрәсе С.Сөләйманованың шигъри юлларындагыча: “Курайларда көз көйләрен уйнап, Салмак кына көз килә”... Менә шундый ямьле көннәрнең берсендә гимназиябезнең хөрмәтле мөгаллимәсе – Хәсәншина Әнисә Ханиф кызының туган көнен билгеләп үттек. Мәҗлесләр залына юбилярны котларга дип гимназия администрациясе, аның хезмәттәшләре, укучылар һәм кунаклар килде. Тырыш хезмәткәребезгә ныклы сәламәтлек, иҗади уңышлар, ак бәхетләр, шатлыклар теләп калабыз. Әлмәт шәһәренең “Риза Фәхретдин исемендәге 1 – нче гимназия”нең “Мирас юлы” укучылар оешмасының җитәкчесе Вильданова Флюзә Әнис кызы