22 апрельдә бөтен дөньяда Җир көне — әйләнә-тирә мохитне саклауга һәм планетабызга карата сакчыл мөнәсәбәтьтә булуга багышланган бәйрәм билгеләп үтелә.
Балаларда экологик культура формалаштыру, табигатькә сакчыл караш тәрбияләү һәм Җир планетасын саклауның мөһимлеген аңлау максатыннан безнең балалар бакчасында да бәйрәм үткәрелде. Бу бәйрәм балалар өчен планетабызны саклау һәм табигать турында кайгыртуның мөһимлеге турында уйланырга сәбәп булды. Мәктәпкәчә балачакта шәхес нигезләре, шул исәптән табигатькә, әйләнә-тирә дөньяга мөнәсәбәт салынуыннан чыгып, балалар бакчасы экологик өзлексез белем бирү һәм мәктәпкәчә яшьтәге балаларда табигатьтән рациональ файдалану культурасы нигезләрен тәрбияләү системасының беренче звеносы булып тора, бу исә кешенең табигать белән үзара хезмәттәшлегенең төрле аспектларын аңларга ярдәм итә.
Бәйрәмдә "Йолдызчыклар" зурлар төркеме балалары "Урманда бәла" театральләштерелгән тамаша күрсәттеләр. Бу тамаша күңел ачу чарасы гына түгел, барлык катнашучылар өчен экологик тәрбия дәресе дә булды. Мондый театральләштерелгән тамашалар балаларда иҗади сәләтләрне һәм экологик фикерләүне үстерүгә ярдәм итә. Табигатьне саклаучыларны тәрбияләү һәм барлык балаларны планетабызны сакларга өндәү максатыннан, балалар бәйрәм ахырында "Эколяталар-яшь табигатьне саклаучылар" мультфильмын карадылар.
Чара үз максатына иреште, балалар табигатьтә үз-үзләрен тоту кагыйдәләрен ныгытып кына калмадылар, ә аны саклау өчен үз җаваплылыкларын да аңладылар.
Мондый чаралар экологик тәрбиягә нигез сала, балаларны табигатьне яратырга һәм аның матурлыгын кечкенәдән үк бәяләргә өйрәтә.