Бала үзен Кеше итеп тойсын өчен, аңарда милли горурлык, туган телгә, туган илгә мәхәббәт хисе тәрбияләргә кирәк.Шуның өчен дә мәктәпкәчә яшьтәге балаларны тәрбияләүдә халкыбызның борынгы гореф-гадәтләрен, йолаларын һәм бәйрәмнәрен өйрәтү мөһим чараларның берсе булып тора. Безнең 9 нчы “Садко” балалар бакчасында да тәрбияви бәйрәмнәр бик еш үткәрелеп тора.Апрель анда без җылы яктан күчмә кошларны каршы алабыз һәм халкыбызның буыннардан-буыннарга кучеп килгән бәйрәмнәрен “Карга боткасы” бәйрәмен үткәрәбез. Язгы чәчүләр беткәч үткәрелә торган Сабантуй бәйрәмен балалар көтеп ала. Бәйрәмгә үзенең урман җәнлекләре белән Шүрәле дә килгән иде. Әкият герое Карлсон белән алар татар халык уеннарын балалар белән уйнап, түгәрәк җырларын җырлап, биеп бәйрәмне тагын да җанландырып җибәрделәр. Бәйрәмебез балаларга күңел күтәренкелеге, позитив хисләр өстәде.