3-нче декабрь көнне 47-нче «Энҗе бөртеге» балалар бакчасында төбәк-ара семинар үтте.Семинар «Балаларда туган як белән танышу һәм ана теленә өйрәтү аша сөйләм культурасы формалаштыру» дигән тема астында үтте.

Бакчаның мәктәпкә әзерлек төркеме тәрбиячесе Кашапова С. Й. «Әлмәтем - гомер бишегем» дигән шөгыль үрнәге күрсәтте. Шөгыльнең максаты балаларны туган шәһәрләре - Әлмәт, аның табигате, истәлекле урыннары,шагыйрьләре, куренекле кешеләре белән таныштыру аша сөйләм культурасын формалаштыру  иде.

Семинарның икенче өлешендә зурлар төркеме балалары шагыйрә Галлямова Г. Х. <span times="" new="" roman',="" serif;="" font-size:="" 14pt;="" line-height:="" 115%;="" text-indent:="" 35.45pt;"="">белән шигырь бәйрәме үткәрелде. Бу бәйрәм әдәбият елына багышланып, балаларда матур әдәбият белән таныштыру аша сөйләм культурасын формалаштыруның бер юлы булып тора. «Бер очрашу – үзе бер гомер» исемле бәйрәм аша татар теле тәрбиячесе Әсфәндиярова Ә. Р. һәм төркем тәрбиячесе Гарифуллина Г. Г. балаларны  шагыйрә белән очраштырдылар, аның иҗаты аша туган телгә карата мәхәббәт, соклану, горурлану хисләре тәрбияләделәр. Очрашу бик җанлы, шигырьләр, җырлар биюләр, аралашу белән үрелеп барды.

Семинарның өченче өлешендә 47-нче балалар бакчасы тәрбиячесе Осипова Ф.М., 62-нче «Тирәк»балалар бакчасының өлкән тәрбиячесе Л. А. Хәмитова, Лениногорск шәһәре 7-нче «Буратино» балалар бакчасы татар теленә өйрәтү тәрбиячесе Гайнутдинова А. М. үзләренең эш тәҗрибәләре белән уртаклашып, чыгыш презентацияләр ясадылар. Шулай ук Әлмәт шәһәренең Туган якны өйрәнү музее хезмәткәре Файзулллина Т.К. «Мәктәпкәчә яшьтәге балаларны туган як тарихы белән таныштыруда төрле эш формалары» дигән темага чыгыш ясады.

47-нче «Энҗе бөртеге» балалар бакчасының эш тәҗрибәсенә багышланган һәм «Туган якны өйрәнү» музее экспонатларыннан торган күргәзмә оештырылды. Бу семинар ана телен өйрәтүдә үрнәк эш тәҗрибәсе булыр дип ышынабыз.