24.04.2019 47нче «Энже бортеге» балалар  бакчасында татар теле атналыгына багышланган бик күп төрле чаралар уткәрелде. Чаралар бөек шагыйребез Г.Тукайның туган көненә, аның иҗатына һәм туган телебезгә багышланды.  Төркемнәрдә, бакчада 16.04 – 26.04.19 аралыгында Г.Тукайның тормыш юлы, иҗатына багышланган стендлар, альбомнар, әти-әниләр өчен белешмә күрсәтмә күчмә-папкалар әзерләнде. Һәрбер төркемдә балалар белән әңгәмәләр, шөгыльләр, викториналар үткәрелде.  Г.Тукай әсерләре буенча эшләнгән мультфильмнар, видеосюжетлар каралды. Мультфильмнар, шигырьләре, әсәрләре буенча рәсемнәр ясалып  күргәзмә оештырылды. Мәктәпкә әзерлек төркеменнән Замилова Камилә “Балачак бәйрәме” шигырь конкурсында катнашып III урынны яулады. Атналыкның нәтиҗәсе булып зурлар  төркеме балалары  белән үткәрелгән “Без Тукай оныклары” бәйрәме булды.  Бәйрәмгә әти-әниләр, кунаклар да чакырылды. Балалар  Г.Тукайның шигырьләрен сөйләделәр, аның әсәрләренә язылган җырларны җырладылар, ул яратып уйнаган татар халык уеннарын уйнадылар, шигырьләрен матур итеп сәхнәләштереп күрсәттеләр. Ә Г.Тукай  әкиятләреннән килгән геройлар:  Суанасы, Кәҗә белән Сарык, Күбәләк, Акбай балаларның күңелен күреп, төрле уеннар уйнаттылар, балаларга табышмаклар әйттеләр. Бәйрәм бик күңелле үтте. Соңыннан бәйрәм балалар, әти-әниләр кунаклар белән бергәләшеп “Туган тел” җыры белән тәмамланды. Әти-әниләр телебезне, Г. Тукай иҗатын саклап, балаларга җиткергәннәре өчен тәрбиячеләргә, бакча җитәкчесенә, татар теле тәрбиячесенә бик зур рәхмәтләрен җиткерделәр. Ә балаларыбыз  үзләренең  чын Тукай оныклары булуларын расладылар.