7 июньдә, безнең  МБДОУ 45 нче “Космос” балалар бакчасында балалар өчен татар халык бәйрәме – Сабантуй узды. Бәйрәмнең максаты – мәктәпкәчә яшьтәге балаларны татар халкының мәдәнияте, бәйрәмнәре белән таныштыруны дәвам итү, туган телебездә матур итеп иркен аралашу, милли традицияләребез белән горурлану хисләре тәрбияләү. Иртән – иртүк яңгыраган матур татар көйләре һәркемне мәйданга чакырды.Барысы да чынбарлыктагы кебек. Сабантуй дигән язулар, өстәлләрдәге җәймәләр, зур самавар, борынгы чиккән сөлгеләр дэ бәйрәмгә ямь биреп торды. Милли киемнән, бәйрәмчә киенгән татар теле тәрбиячесе бәйрәмгә килүчеләрне каршылап, аларга Сабантуй турында сөйләде.  Балалар бик теләп төрле уен – ярышларда катнаштылар, җиңделәр һәм җиңелделәр. Уеннар концерт номерлары белән аралашып барды. Сабантуй бик күңелле узды, һәркем бәйрәмнән яхшы кәеф белән таралышты. Балалар тәрбиячеләргә зур рәхмәтләрен белдерделәр!