Февраль аенда халкыбызның герой - шагыйре Муса Җәлилнең туган көне билгеләп   үтелә. М.Җәлилнең шигырьләре туган илгә,халыкка тирән мәхәббәт белән сугарылган. Ә балалар өчен  кызыклы, бай, юмор белән язылган шигырьләре балалар әдәбиятында әхлаклыкның, патриотизымның югары ноктасы.  35 нче «Нәни ил» балалар бакчасына йөрүче сабыйлар Шайгарданова Рәмилә апалары белән  һәр елны шагыйрьнең туган көнен искә алалар. Алар Муса Җәлилнең тормыш юлы, иҗаты, әсәрләре белән танышалар, шигырьләрен яттан өйрәнәләр. Балалар өчен шагыйрнең китапларыннан күргәзмә оештырыла. Алар кечкенә Мусаның ничек үзен тормышка  әзерләвен,бер генә минут вакытын да бушка уздырмавын, яшьтән үк үзен хезмәткә әзерләвенә төшенәләр. Балалар бакчасында уздырылган чараларда әти-әниләр, тәрбиячеләр бик теләп катнашалар. Әти-әниләр «Минем яраткан шагыйрем - М.Җәлил» темасына альбомнар ясыйлар,  кайбер гаиләләр герой шагыйрь турында, балалар өчен язылган, кошлар, хайваннар турында шигырьләрен укуларын, шәһәребезнең истәлекле урыннары белән таныштыруларын фотосурәтләр аша дәлиллиләр. Муса Җәлилнең шигырьләре, күпме генә вакыт үтсә дә, үзенең кыйммәтен югалтмый, аларны патриотик тәрбия максатларында кулану бик әһәмиятле.