18 гыйнвар  көнне “Татарстан  нефтенең  70  еллыгы  исемендәге  25  нче  урта  гомуми  белем  бирү  мәктәбендә  “Федераль  дәүләт  белем  стандартлары  таләпләрен  тормышка  ашыру  шартларында  татар  телен  һәм  әдәбиятын  яңа  педагогик  технологияләр  кулланып  укыту”  дигән  темага  татар  теле  һәм  әдәбияты  укытучыларының  зональ  семинары булып  узды.

      Анда  Әлмәт  мәгариф  идарәсе  белгечләре,  шәһәребез  һәм  Зәй  шәһәре  мөгаллимнәре  катнашты  . 

       “Фигыль” , “Сан”, “Сыйфат” , “Алмашлык” , “-чы,-че  кушымчалары” , “Кая?  Кайда? Кайдан?  сорауларына  җавап  бирү”,   “Фронт  хатлары”,” В.Осееваның  “Зәңгәр  яфраклар  “, “М.Җәлилнең  “Бүреләр”    кебек  темаларга мастер класслар күрсәтелде.

       Татар  театрының  оешуына  110  ел  тулу уңаеннан  оештырылган , сәламәт  яшәү  рәвешенә  багышланган  “Сәламәт  тәндә  -  сәламәт  акыл !”  дигән темаларга үткәрелгән дәрестән  тыш  эшчәнлекләрдә  укучылар  туган  тел  һәм  әдәбият  өлкәләрендә  белемнәрен  генә  түгел , ә иҗади  сәләтләрен, осталыкларын  да  күрсәтте.        

     Семинарда шулай ук «Федераль дәүләт белем бирү стандартын гамәлгә  ашыру шартларында балалар бакчасы һәм мәктәп эшчәнлеге барышында дәвамчанлык”  докладында 25 нче мәктәпнең якын-тирәсендә  урнашкан 1 нче, 2 нче, 35 нче балалар бакчалары белән уртак эшчәнлеге чагылыш тапты. Зәй шәһәреннән килгән укытучылар “ФДББ шартларында татар теле һәм әдәби уку дәресләрендә уен технологиясе элементларын куллану”, “Федераль  дәүләт белем бирү шартларында укучыларның иҗади сәләтләрен үстерү”  темаларына докладлар белән чыгыш ясадылар. 25 нче мәктәпнең милли эшләр буенча директор урынбасары, татар теле һәм әдәбияты укытучысы Сабитова Г.И.  “Укытучы-мастер” гранты кысаларында оештырылган проектты белән таныштырды.