27  декабрьдә  мәктәптә  6-9   сыйныфлар   өчен  Балмаскарад  кичәсе   үткәрелде.   Бәйрәм  программасы  “Зәңгәр  ут  яктысында”  дип  аталган сәхнәләштерелгән  тамаша, Яңа  ел  турында  шигырьләр  һәм  дәртле  җырлар  белән  үрелеп  барды. Бәйрәмнең күрке булган әкият геройлары Хоттабыч, Ялганбикә  һәм  Ертлачбай, Убырлы  чыгышлары  бәйрәмгә  ямь  өстенә  ямь  бирделәр.

      28  декабрьдә  1-5  сыйныф  укучылары  белән   “Яшел  чыршы кунакка чакыра” дигән бәйрәме үтте.   Бәйрәм  балаларның  шигырьләре  һәм  биюләре  белән  бик  күңелле узды.  Бәйрәм  кичәсенә  Кыш  бабай  белән  Кар  кызы    да  килде.   Балаларны  Яңа  2014  ел  белән  тәбрик  итеп,  күчтәнәчләр  тараттылар.  Бәйрәмгә килгән  кунаклар, әти-әниләр мәктәптә  уздырылган  Яңа  ел  кичәләреннән  тәм  табып,рәхәтләнеп  ял  иттеләр.   31  декабрь  көнне  Югары Әлморза мәдәният  йортында  безнең  укучыларыбыз   үзләренең  күңелле    чыгышлары, җыр-биюләре  белән  авыл  халкын   сөендерделәр. 

     Алда  кышкы каникуллар... Мәктәп  каникул  чорында да  төрле  мавыктыргыч  чаралар  белән  гөрләп  торыр  дип  көтелә.