14 нче февраль - мәгърифәтче, галим, фикер иясе, тәрҗемәче, язучы, фольклорчы Каюм Насыйриның туган көне. Ул – татар дөньясында яңа төрле мәгариф системасына, дөньяви рухта булган мәдәнияткә төп нигез салучыларның берсе. Шул уңайдан мәктәбебездә төрле чаралар үткәрелде. ВК челтәрендәге үз битләрендә укучылар К.Насыйри хезмәтләреннән өзекләр урнаштырдылар. Башлангыч сыйныф укытучысы Р.Р.Хәйруллина К.Насыйрига багышланган сыйныф сәгате үткәрде. Татар теле укытучысы Г.Н.Зәйнуллина укучыларны К.Насыйриның тормыш юлы һәм эшчәнлеге белән таныштырды, музеена виртуаль сәяхәт оештырды. Соңыннан укучылар бөек шәхесебез турында үзләре әзерләп килгән мәгълүматларны сөйләделәр.