5 нче февраль  көнне 1-4 сыйныф укучылары белән интеллектуаль уен “Грамматик көрәш”  үткәрелде. Грамматик көрәштә 2 команда  6 турда көч сынашты. Башлангыч сыйныф укучыларының барысы да актив катнашты. Укучылар уен барышында үзләренә таныш булган әкиятләрне, әкият геройларын  искә төшерделәр, грамматика буенча алынган  белемнәрен  сынадылар, туган тел турында куп мәгълүматлар алдылар. Интеллектуаль бәйгедә биремнәр гадидән катлаулыга таба үсә барды. Көрәш биремнәре үзара бәйле, аңлаешлы һәм кызыклы, укучыларны мавыктырырлык итеп, төрле уен һәм грамматик биремнәр белән чиратлаштырып планлаштырылган иде.  Биремнәрне  уен формасында үткәрү туган телебезгә карата кызыксыну уятты һәм сөйләм телен үстерүгә ярдәм итте. Көрәш  биремнәрнең эчтәлеге укучыларның  яшь үзенчәлекләрен искә алып төзелгән. Ярышның этаплары бер-берсе  белән тыгыз бәйләнештә торды.  Күрсәтмә  чаралар уңышлы, максатка ярашлы булды. Укучыларның фикерләү сәләтләрен үстерү өстендә эш  репродуктив һәм иҗади  фикерләү бергә үрелеп барылды. Интеллектуаль уенның максаты укучыларга төгәл, аңлаешлы итеп җиткерелде, куелган максатларга  ирешелде.