23 нче  февральдә Ватанны саклаучылар көне уңаеннан  Азат итүче солдат һәйкәле янында тантаналы митинг булды. Митингта  катнашучылар  ил азатлыгы өчен яу кырында ятып калган якташларыбызны  бер  минут тынлык белән  искә алдылар. Азат итүче солдат һәйкәленә  чәчәкләр куелды.

21  нче февральдә    Халыкара  Туган  тел  көне билгеләп үтелде.Үткәрелгән  чара   “ Тел күрке - сүз”  темасы астында уздырылып, анда  әлеге көннең  тарихы ,дөнья телләре турында мәгълүмат бирелде. Укучыларга  туган телебез сагында торучы галимнәребез, телебезгә хезмәт итүче  иҗат әһелләре, сәнгать кешеләре турында “Туган тел – мәңгелек байлык” темасына    китаплар  күргәзмәсе тәкъдим ителде. 

20  февральдә мәктәптә   Бөтенроссия      “Кайнар  йөрәк ” иҗтимагый-дәүләт  инициативасына  багышлап   Батырлык  дәресләре   үткәрелде.  Укытучылар укучыларга төрле ситуацияләрдә: суга батучыны коткарганда, янгын вакытында коткару, гадәттән тыш вакыйгалар булган очракларда   балалар  күрсәткән  батырлыклар турында сөйләп, ярдәмчел, кеше кайгысына  битараф булмау  кебек  төшенчәләр турында   аңлаттылар.

Хәрби - патриотик   айлык кысаларында,  традиция буенча , 23 февраль – Ватанны   саклаучылар көне уңаеннан,  5-11 сыйныф  укучылары белән  “ Ягез әле , егетләр!” -  спорт  ярышы оештырылды.  Әлеге ярышта укучылар спортның төрләре буенча  командаларга бүленеп, үзләрен җитезлектә, көчлелектә, кыюлыкта сынадылар. 

12  нче    февральдә,   Казанда    патриот   шагыйрь  Ф.Кәримгә  багышлап үткәрелгән   республика    фәнни-гамәли    конференциясендә  “Язучылар  иҗатында  Бөек  Ватан  сугышы чагылышы”     темасына башкарылган эше     белән катнашып , 9  сыйныф  укучысы   Исхакова  Гөлшат  сертификатка  ия  булды.

12 февральдә  хәрби- патриотик  айлык   кысаларында башлангыч сыйныф  укытучысы  Әхмәтшина Л.Т.   укучылар белән  балалар язучысы , җәлилче  Абдулла Алиш иҗатына багышланган  КВН  үткәрде.  КВН  барышында   укучылар  язучының  иҗаты  буенча  биремнәр үтәделәр,  әкиятләрен  сәхнәләштереп күрсәттеләр. 

10   февральдә,   хәрби- патриотик  айлык   кысаларында,  1-4 сыйныфлар белән   М.Җәлил   иҗатына  багышланган   “Гомере   аның  моңлы  бер җыр !”   темасына  тамчы –шоу  үткәрелде.

Башлангыч  сыйныф   укытучысы  Хазипова Ф.Ф.  уен барышында   герой  шагыйрьнең    тыныч   тормыштагы  иҗаты , сугышчан  юлы  һәм тоткынлыктагы  батырлыгы    хакында    материаллар кулланып,    укучыларның  мәгълүматлылыгын, кызыксынуларын  ачыклады.   Интеллектуаль  уен укучылар өчен  файдалы һәм мавыктыргыч  итеп оештырылды.   

2014 елда  Сочида  XXII  кышкы  Олимпия  һәм  XI кышкы  Паралимпия  уеннары үткәрелүгә бер ел тулу уңаеннан ,  спортның  кышкы  төрләре  көннәре  кысаларында,  мәктәптә 8 февраль көнне укучылар белән  “Татарстан  чаңгы юлы -2015” массакүләм чара үткәрелде. Бу чарада мәктәпнең барлык  укучылары да  бик актив катнаштылар.  Укучылар алдында чыгыш ясап, физкультура укытучысы Галләмов Ф.К.  әлеге чара  укучыларны спорт белән шөгыльләнүгә тарту, сәламәт тормыш рәвеше алып бару   максатыннан  үткәрелүе турында әйтеп узды . Чара  ахырында мәктәпнең иң оста чаңгычылары билгеләп үтелде һәм  соңыннан  ашханәдә  кайнар чәй эчү оештырылды.

5 нче   февральдә  мәктәп   китапханәсендә  Бөек   Җиңүнең  70 еллыгына багышланган    “Батырлар эзеннән”  темасы  буенча  китаплар  күргәзмәсе   оештырылды. Китапханәче  Хазипова Ф.Ф.  укучыларны  герой  райондашларыбызның    батырлыклары , якташыбыз , фронтовик язучы Н.Дәүлинең  “Яшәү белән үлем арасында”   әсәренең  язылу   үзенчәлеге  белән  таныштырды.