11 мартта  район балалар иҗаты йортында  Бөек   Җиңүнең 70 еллыгына  багышланган патриотик җырлар конкурсы үткәрелде.  Бу конкурста  4 класс укучысы Нуруллина  Лилия  “Катюша”, 7 класс укучысы Кыямова   Ләйсән  “Сугыш” җырларын  башкардылар.

Безнең   мәктәп укучылары   Бөек  Җиңүнең 70 еллыгына  әзерлек кысаларында  “Татарстан Республикасының  1941-1945 еллардагы  Бөек Ватан  сугышы  виртуаль музее” проектында катнашып, "Родные лица Победы" сәхифәсе өчен авылыбызда гомер итүче ветераннар турында материаллар әзерләде.

28  февральдә    Балык   Бистәсенең  “ Дельфин” спорт- сәламәтләндерү  комплексы базасында   укучылар арасында судомоделизм буенча   үткәрелгән   республика   ярышларында   8 сыйныф  укучылары   Гатин  Рәсим  ,  Әхмәтшин   Әмир  . катнаштылар.

23 нче  февральдә Ватанны саклаучылар көне уңаеннан  Азат итүче солдат һәйкәле янында тантаналы митинг булды. Митингта  катнашучылар  ил азатлыгы өчен яу кырында ятып калган якташларыбызны  бер  минут тынлык белән  искә алдылар. Азат итүче солдат һәйкәленә  чәчәкләр куелды.

21  нче февральдә    Халыкара  Туган  тел  көне билгеләп үтелде.Үткәрелгән  чара   “ Тел күрке - сүз”  темасы астында уздырылып, анда  әлеге көннең  тарихы ,дөнья телләре турында мәгълүмат бирелде. Укучыларга  туган телебез сагында торучы галимнәребез, телебезгә хезмәт итүче  иҗат әһелләре, сәнгать кешеләре турында “Туган тел – мәңгелек байлык” темасына    китаплар  күргәзмәсе тәкъдим ителде. 

20  февральдә мәктәптә   Бөтенроссия      “Кайнар  йөрәк ” иҗтимагый-дәүләт  инициативасына  багышлап   Батырлык  дәресләре   үткәрелде.  Укытучылар укучыларга төрле ситуацияләрдә: суга батучыны коткарганда, янгын вакытында коткару, гадәттән тыш вакыйгалар булган очракларда   балалар  күрсәткән  батырлыклар турында сөйләп, ярдәмчел, кеше кайгысына  битараф булмау  кебек  төшенчәләр турында   аңлаттылар.

Хәрби - патриотик   айлык кысаларында,  традиция буенча , 23 февраль – Ватанны   саклаучылар көне уңаеннан,  5-11 сыйныф  укучылары белән  “ Ягез әле , егетләр!” -  спорт  ярышы оештырылды.  Әлеге ярышта укучылар спортның төрләре буенча  командаларга бүленеп, үзләрен җитезлектә, көчлелектә, кыюлыкта сынадылар. 

12  нче    февральдә,   Казанда    патриот   шагыйрь  Ф.Кәримгә  багышлап үткәрелгән   республика    фәнни-гамәли    конференциясендә  “Язучылар  иҗатында  Бөек  Ватан  сугышы чагылышы”     темасына башкарылган эше     белән катнашып , 9  сыйныф  укучысы   Исхакова  Гөлшат  сертификатка  ия  булды.