15-21 август көннәрендә “Яшь имәннәр” балалар савыктыру лагеренда активистлар өчен профильле смена эшли.

Анда районның 22 мәктәбеннән балалар оешмалары җитәкчеләре ял итә. Җәмәгать эшләре активистлары булган әлеге малайлар-кызлар, ял итү белән бергә, мәктәпләрдә җирле үзидарәне оештыру һәм үстерү, эш планнары төзү, төрле чаралар үткәрү буенча белем-осталык туплый, тәҗрибә уртаклаша. Алар белән балалар иҗат йорты методисты, районда балалар хәрәкәте кураторы Резидә Җиһаншина һәм Базарлы Матак урта мәктәбе укучысы, район балалар оешмасы президенты Гүзәл Закирова шөгыльләнәләр.