Көзнең күркәм, ямьле бәйрәмнәренең берсе – Укытучылар көне. Кешене тәүге тапкыр хәреф танытудан башлап олы тормыш юлына беренче адымнарын атлаганчыга кадәр тәрбияләгән, аңа белем биргән укытучының хезмәте бәһасез. Аннан башка гына икътисадчы да, юрист та, сәясәтче дә, космонавт та була алмый. Чын мәгънәсендә, укытучыны илебезнең киләчәген төзүче дип атап була. Бүген алар котлаулар кабул итә. “Эконом” хуҗалыгы рәисе Алмаз Зәкиян улы да укытучылар коллективын һөнәри бәйрәмнәре белән котлады һәм зур рәхмәтләрен җиткерде. Көзге муллыктан өлеш чыгарып, җитәкче һәрбер укытучыга  50 кг икмәк бүләк итте.