Дәресләрне иртәнге зарядка белән башлап җибәрү -мәктәпнең яхшы традициясе.

Укучылар зарядканы олы спорт залында, музыка җибәреп, бөтен мәктәп белән оештыралар.Башлангыч класс укучылары да күрсәтелгән хәрәкәтләрне күңелле һәм тату итеп кабатлыйлар. Көн шундый дәртле итеп башлангач, дәресләр дә бер сулышта үтеп китә.

Мәктәптә рус теле атналыгы бара.Укытучы Г.И.Акирова план буенча чаралар уздыра. 

Бүген  «Живая классика»  исемле сәнгатьле уку бәйгесенең мәктәп туры  узды. Әлеге чарада Шарифуллин Ильяс беренче урын алды. Мәктәп директоры Расих Рафис улы,  җиңүчеләргә муниципаль турда да чыгыш ясаганда  уңышлар теләде.

Линейкада дежур укытучы һәм укучылар чыгыш ясады.  Алдынгы классларга "5"символы тапшырылды.

Мәктәп директоры Р.Р.Шайхуллин  "Йолдызлыкта" катнашкан укучыларгы һәрберсенә дә дипломнар тапшырды.

Бүген Рахматуллина А., Шарифуллин И., Газизов Ф. Иске Кормаш мәктәбе базасында 7-8 класс укучылары арасында узган  "Физический огонек" конкурсында  катнаштылар. Укытучы- Саматов А.Н.

Мәктәптә узган чарада кызлар ике командага бүленеп көч сынаштылар.Кичәне оештыручы укытучыбыз Г.И.Акирова  бик күңелле  итеп алып барды. "Сандугачлар" командасы җиңү яулады.

7 класс укучысы Рахматуллина Алинә район күләмендә узган бәйгедә уңышлы чыгыш ясады.

Бүген Югары Яхшый мәдәният йортында укучыларыбыз әниләребезне , әбиләребезне котлап концерт куйды. Тамашачылар һәр чыгышны көчле алкышларга күмделәр.

Мәктәптә шахмат уенын яратучылар күбәя бара. Тәнәфес вакытларында да укучылар шахмат уйный.