1 декабрьдән Татарстан Республикасында инвалидлар декадасы старт алган иде. Бүгенге көндә Татарстанда якынча326 мең инвалид яши, шуның 13 мең 900 е – балалар. Декада кысаларында, 1-10 декабрь көннәрендә республиканың барлык районнарында төрле чаралар узды. Уразай мәктәбе укучылары һәм укытучылар коллективы да бу чаралардан җиттә калмады. Укучылар урын өстендә ятучы инвалидларның өйләренә булып, хәлләрен белеп ярдәмләшеп кайттылар. Декада уңаеннан мәктәптә ярминкә үткәрелде. Ярминкәдә укучылар пешерелгән тәмледән-тәмле ризыклар, үз куллары белән ясаган көнкүреш   җиһазлары, башка төр кул эшләре белән сату иттеләр. Ярминкәдән җыелган акчаларга үзебезнең мәктәптә хезмәтләрен куйган, хәзерге көндә сәламәтлекләре чикле булган инвалидларыбызга  матди ярдәм күрсәтелде. Ярминкәдән тыш, мәктәпнең барлык укытучылары һәм эшчеләре Инвалидлар декадасына багышланган марафонда катнаштып, мөмкинлекләре чикле булганнарга матди һәм мораль ярдәм иттеләр.           

     Дөньяның кырыслыгы сәламәтлекләре чикләнгәннәрнең тормышына аеруча нык тәэсир итә. Шуңа күрә тоташ сынауларга гына корылган тормышларын җиңү өчен  куәт, сабырлык, ихтыяр көчләре бетмәсен иде аларның!