Актанышның сәләтле балалар өчен гимназия-интернат базасында 4-6 класс укучылары арасында узган “Без яшь, без сәләтле…” республикакүләм олимпиадада 5 класс укучысы Варин Фидан уңышлы чыгыш ясап сертификатка ия булды.

Мәктәп күләмендә "Аҗаган" хәрби - спорт ярышы үткәрелде. Ярышта ике команда катнашты. Командалар ату, турникта тартылу, авыруга беренче ярдәм күрсәтү, чаңгы һ.б. ярышларында көч сынаштылар. Гомуми нәтиҗәләр буенча "Рысь" командасы беренче урынны, "Ак барс" командасы икенче урынны алды һәм грамота белән бүләкләнделәр. Оештыручы И.Т.Хузин.

Хөрмәтле гүзәл затларыбыз! Сезне ихлас күңелдән 8 март - Халыкара хатын-кызлар көне белән тәбрик итәбез. Сезгә озын гомер, сәламәтлек, бәхет-шатлык телибез, һәрвакытта көләч йөзле, шат күңелле булып калыгыз. Яз сулышы сезгә муллык, күңелләрегезгә сабырлык, тәнегезгә саулык китерсен. Өстәлләрегез мул, аш-суларыгыз тәмле, көннәрегез ямьле булсын.

6 март көнне бәйрәм уңаеннан караоке баттл бәйгесе үткәрелде. Бәйгедә укучылар һәм аларның әниләре катнашты. Бәйрәм бик матур һәм күңелле узды. Оештыручы Гаянова Ф.Г.

5 март көнне башлангыч классларда 8 март бәйрәменә багышланган кичә узды. Кичәгә әниләр дә чакырылды. Укучылар үзләренең әниләрен бәйрәм белән котлап, концерт номерлары күрсәттеләр, үз куллары белән ясаган бүләкләрен тапшырдылар.

4 март көнне Әлем мәктәбе базасында башлангыч класс укучылары арасында инглиз теленнән "ABC Show" конкурсы узды. Безнең мәктәп укучылары әлеге бәйгедә катнашып “Самый громкий алфавит” номинациясенә лаек булдылар.

4 март көнне район мәдәният йортында 8 мартка багышланган кичә узды. Анда безнең мәктәптән Мохтарова Әлфия үзе пешергән чәк-чәк белән катнашты.

2 март көнне район мәдәният йортында "Йолдызлык-2016" конкурсының йомгаклау концерты булып узды. "Халык биюләре" номинациясендә татар биюе III дәрәҗә диплом белән бүләкләнде.

1 мартта район күләмендә үткәрелгән Бөек Җиңүнең 71 еллыгына багышланган "Салют, Победа!" ярышында 9 класс укучылары катнашып районда уңышлы чыгыш ясадылар.

 В школе прошел праздничный вечер "Наши именинники", где поздравляли учеников, которые родились в зимние месяцы. Праздник, который сопровождался песнями и плясками, всем понравился. Ученики активно участвовали в шуточных конкурсах, дарили подарки именинникам за дружеским чаепитием.