15нче март көнне Яңа Әлем мәктәбендә "Информацион куркынычсызлык" темасы буенча район информатика укытучылары семинары үтте. Анда безнең мәктәптән информатика укытучысы Рахматуллина Э.Д. катнашты.

6 нчы һәм 8 нче класс укучылары белән "14 нче март - халыкара елгалар көне" уңаеннан экологик чара үткәрелде. Укучылар авылыбыз тирәсендә  елгалар, күлләр турында видеоролик карадылар һәм тагын бер кат табигатьне сакларга кирәк дигән фикерне белдерделәр. Укытучы: Гараева А.Ф.

Атна дәвамында рус теле атналыгы расланган план нигезендә үткәрелде. Укучылар өчен кызыклы һәм мавыктыргыч чаралар оештырылды:

- Стенгазеталар конкурсы;

- Күңелле тәнәфесләр: "Грамотейлар көне" , "Кроссвордлар конкурсы";

- Чиста һәм матур итеп язу, рәсем һәм сочинениеләр конкурслары;

- Шигыръ сөйләүчеләр ярышы "В мире русской литературы";

- Викторина "Здравствуй, сказка!";

- "Сто к одному" һәм башка төрле чаралар, укучылар өчен бик файдалы һәм кызыклы итеп оештырылды. Укытучы Нәгыймова З.У.

 13 март көнне 6 нчы класс укучысы Кашапов Салават рус теле укытучысы Нәгыймова З.У. җитәкчелегендә "Живая классика" конкурсында уңышлы чыгыш ясап кайтты.

13 нче март көнне мәктәп күләмендә ата-аналар җыелышы булды. Җыелышның төп көн тәртибе булып, киләсе уку елы өчен бердәм мәктәп формалары тәкъдим ителде һәм ата-аналар тарафыннан бердәм форма төрләре сайлап алынды.

12 нче март көнне Мәгариф идарәсе белән берлектә укытучыларның педагогик киңәшмәсе үтте, ике атна дәвамында булган тикшерү нәтиҗәләре каралды.

Кадерле хатын-кызлар - әниләр, әбиләр, апалар, сеңелләр! Сезне чын күңелдән 8 Март бәйрәме белән котлыйбыз. Сезгә иң изге теләкләр телибез, якыннарыгызның игелеген күреп яшәргә язсын сезгә Ходай. Салкын, озын кышлардан соң килгән бу беренче Яз бәйрәме, иң гүзәл бәйрәмнәрнең берсе. Бу бәйрәм сезгә тормыш яме, яшәү көче өстәсен. Бәхет нурында коенып, назга күмелеп, сөеп-сөелеп яшәгез. Бәйрәм белән!!!

7 нче март көнне мәктәбебезнең гүзәл һәм уңган кызларына багышланган “Яз гөлләре” дип аталган кичә үткәрелде. Чарада 5-9 класстан эшкә уңган, тапкыр, зирәк, төскә матур, сылу кызларыбыз катнашты. Кичәнең беренче конкурсы – визитка. Художниклар ярышында кызлар төрле ярма, бөртек һәм үсемлек төшләреннән 8 мартка картина ясадылар. “Буш суыткыч”ны ризыклар белән тутырдылар. “Иң оста пешерүче” конкурсында кызларның көнкүрештә, аш-су әзерләүдә тапкырлыгы сыналды. “Кул эшләре” бәйгесендә бизэнгеч (браслет, йөзек, чәч кыстыргыч) ясадылар. Кичә дәвамында мастер-класслар, истәлекле мизгелләрне чагылдырган видеоязмалар күрсәтелде. Бәйрәм кичәсен Гараева А.Ф. оештырды һәм үткәрде.

22 нче февраль көнне район күләмендә инглиз теленнән "Письмо другу" конкурсы булды. Безнең мәктәптән Гарифуллина Элина катнашты. 

Барлык ир-егет укытучыларны 23 февраль - Ватанны саклаучылар көне белән тәбрик итәбез! Илебездә тынычлык, күгебез аяз булсын!