9 декабрь көнне Яңа Әлем төп гомуми белем бирү мәктәбендә “Федераль дәүләт белем бирү стандартлары нигезендә башлангыч сыйныфларны укытуда эшчәнлекле юнәлешне оештыру” темасы буенча башлангыч сыйныф укытучыларының район семинары үтте. Анда безнең мәктәптән Гыймаева Инзилә катнашты.

Семинар барышында 2 сыйныфта “Кешеләр культуралы үсемлекләрнең нинди өлешләрен азык итеп кулланалар?” темасына әйләнә-тирә дөнья дәресе (укытучы Сәрвәрова Ф.М.), 4 сыйныфта “Иң матур сүз” темасына әдәби уку дәресе (укытучы Нургалиева Л.З.), 1 сыйныфта “Яңа ел чыршысы ясау проекты” темасына дәрестән тыш эшчәнлек (укытучы Манихова Э.М.), 3 сыйныфта “Музыкада тасвирлау интонациясе” темасына музыка дәресе (укытучы Зарипова Ф.Н.), “Тукымадан ясалган Яңа ел уенчыклары” темасына мастер-класс (технология укытучысы Фәтхиева Н.Ф.) тәкъдим ителде.

Мәктәп укучылары тарафыннан оешкан курчак театры - “Йомры икмәк” дип аталган театральләштерелгән тамаша күрсәтте. Гомуми киңәшмәдә дәресләргә үзанализ, анализлар ясалды. Район мәгариф идарәсе методисты З.З.Хәкимова район башлангыч сыйныф укытучыларының эшчәнлек нәтиҗәләре белән таныштырды.