Россия Федерациясе Дәүләт думасы депутаты, социология фәннәре кандидаты Т.П.Ларионова кайбер тикшеренүләр белән таныштырып китте. Сораштырулардан күренгәнчә, кыерсытылуларның  яртысы игътибарсыз кала икән. 30% ы бөтенләй дә кыерсытылуга исәпләнми. 20.5% ы ата-аналарга хәбәр итеп торылмый гына укытучылар тарафыннан хәл ителә, нибары 14% ы гына мәктәп, ата-ана берлегендә тикшерелеп хәл ителә. Әти тәрбиясен күрмәгән балалар проблемасы бар ди депутат. Без тирә- юнебезгә игътибарлы булырга тиешбез, "чит балалар булмый" дигән гыйбарә матур сүз генә түгел.
Татарстан республикасы иҗтимагый палата рәисе З.Р.Вәлиева, республиканың бала хокуклары буенча вәкаләтле вәкиле И.В.Волынец та үз фикерләрен җиткерделәр. 2024 елның 1 сентябреннән балалар бакчалары өчен 200 балага 1, мәктәпләр өчен 300 балага 1 психолог штаты барлыкка киләчәк. Гаилә кыйммәтләре һәрчак беренче урында булырга тиешлеккә һәр чыгыш ясаучы басым ясады.