Мәктәпнең чыгарылыш класс укучылары график нигезендә фәннәр буенча имтиханнарга әзерләнәләр.

Кичә мәктәптә балаларның профсоюз ёлкасы узды. 

25 нче декабрь көнне "Татнефть - Арена" боз сараенда Татарстан Республикасы Президенты Рөстәм Миңнеханов катнашында чыршы бәйрәме булып узды.

Бүген, ягъни 28 декабрь көнне, 2015-2016 уку елының беренче яртыеллык нәтиҗәләре буенча педагогик киңәшмә үткәрелде. Мәктәп уставы коллектив тарафыннан карап тикшерелде һәм кабул ителде. Шулай ук класс җитәкчеләренең чыгышлары тыңланды, яртыеллык эшчәнлеккә нәтиҗә ясалды, алдагы бурычлар билгеләнде.

Бүген мәктәпнең эчке планы нигезендә куркынычсызлык кагыйдәләрен өйрәнү максатыннан эвакуация үткәрелде.

22 нче декабрь көнне Кәзкәй кадет интернат- мәктәбе призы өчен узган "Көрәш" ярышында мәктәбебез укучылары уңышлы чыгыш ясадылар. 4 сыйныф укучысы Нургалиев Айзат, 5А сыйныф укучысы Гыйлемов Салават 1 урынга, 5Б сыйныф укучысы Шәмсиев Илназ 2 урынга, 6 сыйныф укучылары Сәлимов Айназ, Салихов Рәмзил 3 урыннарга ия булдылар.

Ниһаять, мәктәбебезгә дә Яңа ел шау-шуы килеп җитте. Бүген Кыш Бабай белән Кар Кызын 1-4, 5-7 нче класс укучылары каршылады. Җыр-бию, уеннар, табышмаклар белән үтте безнең Яңа ел тамашасы. Иң белемле, тырыш, талантлы укучыларга һәм аларның әти-әниләренә мәктәпнең тәрбия эшләре буенча директор урынбасары Вахитова Зәлинә Назиф кызы рәхмәт хатлары тапшырды.

Бүген, 24 нче декабрь көнне, мәктәбебездә 8-11 класс укучылары өчен Яңа ел тамашасы үткәрелде.

Мәктәп укучылары ата-аналары белән берлектә җәй буе тырышып "Дару үләннәре җыю" бәйгесендә актив катнаштылар. 

Яңа ел бәйрәмнәре алдыннан мәктәбебездә "Яңа ел уенчыгы", "Яңа ел панносы" бәйгеләре игълан ителде. Әлеге бәйгедә барлык класс укучылары да класс җитәкчеләре белән берлектә актив катнаштылар.