Бүген Балалар иҗат үзәгендә «Эшмәкәрлек фабрикасы» бизнес-идеяләре бәйгесенең икенче этабы бара. Әлеге бәйге районда өченче тапкыр үткәрелә.

 конкурсның максаты:
- яшьләрнең иҗади сәләтләрен үстерү, аларның икътисад өлкәсендә белем дәрәҗәсен арттыру, эшмәкәрлеккә өндәү һәм җәлеп итү;
- сәләтле яшьләрне ачыклау, киләчәктәге интеллектуаль үсешнең һәм яшьләргә һөнәри юнәлеш бирүнең оптималь шартларын булдыру;
- шәхси эшкуарлык һәм лидерлык сыйфатларын үстерү.
- җәмгыятьтә эшмәкәрлекнең уңай имиджын булдыру һәм яшьләр арасында эшкуарлык эшчәнлеген популярлаштыру;
- яшьләрне Татарстан Республикасы Министрлар Кабинеты каршындагы һәм Актаныш муниципаль районы башлыгы Ленар Зарипов карамагында эшчәнлеген алып барган Эшмәкәрләр советы белән хезмәттәшлеккә җәлеп  итү;

 Районыбыз мәктәпләреннән,Балалар иҗат үзәгеннән  килгән 29 укучы-конкурсант үз эшләрен комиссия карарына тәкъдим иттеләр. Жюри составында Актаныш районының Башкарма комитеты төрле бүлекләреннән вәкаләтле затлар билгеләнгән. Алар һәр конкурсантка игътибар белән проектларның, эшләмәләрнең эффектлыгына, актуаль булуына, чыгым-керем мәсьәләсенә кагылышлы сорауларын бирделәр.

Бәйге биш номинация буенча үтә.

Уңышлар телибез!