27 ноябрь көнне театр, вокал  бүлеге укучылары, "Ак инеш", "Шатлык" бию ансамбльләре, "Умырзая", "Тамчы"  үрнәк вокал ансамбльләре Әниләр көненә багышланган районкүләм чарада катнаштылар. 

Әлем мәктәбендә Әниләр бәйрәме хөрмәтенә зур чара үткәрелде. Безнең Әлем бүлеге биючеләре бу бәйрәмне матур биюләре белән бизәделәр.

24-25 ноябрь көннәрендә Мөслимдә, III Бөтендөнья "Каз өмәсе" фестивале уздырылды. Бу фестивальдә укытучыбыз Галимова Ләйлә Ренарт кызы "Тылсымлы энә" бәйгесендә  1 нче урын яулады.КОТЛЫЙБЫЗ! 

Бүген, 27 нче ноябрь көнне,  13.00 сәгатьтә Актаныш радиосы эфирында III Бөтендөнья "Каз өмәсе" фестивалендә җиңүчеләребез белән очрашу уздырылды.

Такталачык мәктәбендә Әниләр бәйрәме хөрмәтенә рәсем бүлеге укучылары тарафыннан эшләнгән эшләрдән укытучылары Ильмира Вәлиева зур күргәзмә оештырды.

22 ноябрь көнне Актаныш сәнгать мәктәбе укытучылары, укучылары тарафыннан, пушкин картасы кысаларында, Әниләр бәйрәме хөрмәтенә бик матур, эчтәлекле концерт куелды.

18 ноябрь көнне Яр Чаллы шәһәрендә  "Бәхет йолдызы" милли татар сәнгатенең республикакүләм конкурс-фестивалене үткәрелде. Безнең театр бүлеге укучыларыбыз нәфис сүз номинациясендә  катнашып, Ахметдинова Лилия - I дәрәҗә, Насыйрова Ильвина - I дәрәҗә, Шаяхметова Эльза - II дәрәҗә, Набиева Зөләйха - II дәрәҗә, Гаянова Эльвина - III дәрәҗә лауреат булдылар. Укытучылары - Альбина Хөсәенова. КОТЛЫЙБЫЗ! 

16 ноябрь көнне сәнгать мәктәбендә рәсем бүлеге укытучысы Галимова Ләйлэ Ренарт кызы, гимназиядән килгән 6 б сыйныф укучыларына туку буенча осталык дәресе күрсәтте. Укучылар, бик кызыксынып тукучылык турында мәгьлүмат тыңладылар һәм үзләре дә кечкенә жәймэләр тукып карадылар. Кадерле мәктәп укучылары, әгәр дә сезнең туку станогын күреп, анда эшләп карау теләге туса, "кылыч", "аралау", "асалау" сүзләренең мәгьнәсен беләсегез килсә,  сәнгать мәктәбенә - осталык дәресләренә рәхим итегез.

14 ноябрь көнне сәнгать мәктәбебездә яңа проект үзенең кысаларында эшчәнлеген башлап җибәрде.  Фәрит Яруллин исемендәге музыка көллияте укытучылары безнең укучыларыбызга  мастер-класс күрсәтергә килделәр. Проектның авторы яшь укытучы Алсу Багаутдинова. Проектка мәктәбебезнең тарихын өйрәнү, очрашулар оештыру, уку елы ахырында концерт тәкъдим итү кергән.

11 ноябрь көнне Такталачык авылында күренекле якташыбыз Ленар Шаехның иҗат кичәсе үткәрелде. Безнең үрнәк вокал ансамблебез "Умырзая", "Ак инеш" бию төркемебез, укытучыбыз Резеда Ильдусовна бу эчтәлекле чараны тагын да матурладылар.