Кошлар җир йөзендә иң күп таралган тереклек ияләре. Җирдә барлыгы 100 миллиард чамасы кош яши. Татарстанда җәй көннәрендә 200ләп, кышын 40 төрдән артык кош очратырга мөмкин. Кошлар һавада очарга җайлашкан. Шуңа да аларны кырыс антарктидада, биек тау кыяларында да, диңгез өсләрендә дә очратырга мөмкин. Кошларның иң кечкенәсе колибри, ул берничә грамм авырлыкта гына. Ә иң зурысы тәвә кошы, авырлгы 90 кг га җитә. Кошлар табигатьнең күрке. Алардан башка табигать җансыз. Алар бик күп зарарлы бөҗәкләрне юк итәләр, сайраулары белән тормышыбызга ямь өстиләр. Шуңа күрә без кошларга ярдәм итәргә, аларны сакларга тиеш. Әлеге максаттан, экологик акция кысаларында, мәктәп яны территориясендә укучылар әтиләре белән берлектә ясаган сыерчык ояларын элделәр. Яз безгә ямьле, җылы көннәр генә түгел, файдалы, кадерле дуслар да алып килә. Чәчәкле язны яраткан кебек, канатлы дусларыбызны – кошларны да яратыйк!