5 март көнне мәктәбебезнең 3 класс укучылары, ата-аналары катнашында, башлангыч класс укытучысы - класс җитәкчесе Мәрданова Фәния Дөфәк кызы җитәкчелегендә "Безнең гаилә - тату гаилә" исеме астында "Гаилә Бәйрәм"е узды. Бәйрәм мәктәп директорының укыту-тәрбия эшләре буенча урынбасары Әхмәдгалиева Зөлфия Вил кызының якынлашып килүче 8 Март бәйрәме белән әниләрне, кызларны, килгән башка кунакларны матур, эчтәлекле котлавы белән башланып китте. Бәйрәмнең төп өлеше укучылар тарафыннан куелган бәйрәм концертыннан, әниләр һәм укучылар катнашындагы күңелле ярышлардан торды. Соңыннан бәйрәмнең икенче өлеше бәйрәм табыны янында чәй эчү һәм котлаулар белән дәвам итте. Бәйрәмдә ата-аналар комитетына бәйрәмнәрне оештырудагы тырышлыгы өчен рәхмәт белдерелде. Комитетның эшчәнлекләре уңай бәяләнде. Бәйрәм чарасы Зөлфия Вил кызы тарафыннан югары бәяләнде.