Без, 1 нче сыйныф укучылары, проект эшчәнлеге кысаларында, нәни дусларыбызга җимлекләр ясадык. Проект берничә өлештән торды, ләкин ул бик кызыклы һәм тәрбияви булды. Кошларның тормышы, туклануы, ничек кыш уздырулары турында эзләнү эше алып бардык. Проектыбызның "җимеше" - җимлекләр! Җимлекләр төрле материалдан башкарылса да, аларга йөрәк җылысы салынган! Мәктәбебезнең биология укытучысы Фидус Нәрфис улы белән бакчабыздагы агачларга җимлекләр элү, бигрәк тә күңелле булды. Ул безгә нинди биеклектә элергә, нинди ризык салырга кирәклеген аңлатып бирде. Кышкы ашханәбезгә рәхим итегез - канатлы дусларыбыз!