Бүген мәктәбебез яны лагерында шушы девиз астында чаралар булып узды. Башта әйдаман Алмазия Индус кызы укучылар белән әңгәмә корды, табигатьне саклауның зарурлыгы турында сөйләде. Укучылар үзләренең белемнәрен баеттылар. Соңыннан алар “Табигать ярдәм көтә” дигән видеофильм карадылар. Чара укучылар арасында “Табигатьне сакла!” дигән рәсем конкурсы белән дәвам итте. Балалар һәрберсе рәсемнәре аша табигатьне саклауга булган карашларын белдерделәр. Иң матур һәм эчтәлекле рәсем ясаучылар булып “Кояшкай” отрядыннан Галеева Алидә һәм “Дуслык” отрядыннан Муллахметов Әмир табылды. Ә көндезге аштан сон укучылар табигатьне саклауга үз өлешләрен керттеләр – уен территориясен чүп-чарлардан арындырдылар.