«Ел укытучысы - 2019» бәйгесе - укытучылар арасында үткәрелгән һөнәри бәйгеләрнең иң җаваплыларыннан берсе. Яңа Әлем мәктәбеннән муниципаль этапта физик тәрбия укытучысы Фатхиева Мария Олег кызы уңышлы чыгыш ясады. 13 декабрь көнне Актаныш кадет интернат-мәктәбе базасында “Спорт күнегүләре. Акробатика” темасына 6 класста ачык дәрес тәкъдим итте. “Олимпия уеннары” темасына дәрестән тыш чара оештырды. Укучылар 5 контингент турында белешмә алдылар. Балалар 5 командага бүленеп, уеннарда катнаштылар. 1-3 урын алган командалар медальга ия булдылар. Укучылар актив булдылар, укытучы белән уңай мөнәсәбәт урнаштырылды. Дәрес һәм чара жюри тарафыннан уңай бәяләнде.