Укытучы – ул һәрдаим эзләнүчән, яңалыкка, үсешкә омтылучан шәхес булырга тиеш. Мәктәбебездә андый мөгаллимнәр шактый. Шулар арасыннан аерым игътибарга лаегы беренче квалификацион категорияле химия һәм биология фәннәре укытучысы – Гыйлфанов Фидүс Нәрфис улы. Фидүс Нәрфис улы дәресләрдән тыш та укучылар белән бик теләп шөгыльләнә: төрле бәйгеләр, олимпиадаларда катнаша, мәктәбебездә иҗади чаралар уздыра. Шулар белән беррәттән үзе дә һәрчак эзләнүдә. Алдынгы педагогик тәҗрибәне пропагандалауда “Мәгариф” журналы белән озак еллар тыгыз хезмәттәшлектә булганы өчен Гыйлфанов Ф.Н. улы “Мәгариф” журналының мактау грамотасы белән бүләкләнде. Аңа алда да зур уңышлар, иҗади үрләр телибез!