Октябрьнең беренче көне үк искиткеч матур дата - Өлкәннәр көне белән истәлекле. Бу көнне без өлкән һәм акыллы буынны - барлык туганнарыбызны һәм күңелебезгә якын кешеләребезне котлыйбыз. Мәктәбебездә өлкәннәрне һәм укытучыларны искә алып, аларны мәктәпкә кунакка чакырып, укучылар тарафыннар концерт күрсәтелде. Өлкән кешеләр турында кайгырту - һәркайсыбызның бурычы. Үзегезне ялгыз итеп сизмәвегез, һәрчак туганнарыгызның һәм якыннарыгызның яратуын һәм игътибарын тоеп яшәвегез өчен барысын да эшли алабыз. Чын күңелдән сезгә озак елларга нык сәламәтлек, күңел тынычлыгы, тормышка кызыксынуыгызның кимемәвен, якыннарыгызның һәм туганнарыгызның яратуын һәм хөрмәт итүен телим. Көннәрегез якты һәм матур булсын, күңелегездә тынычлык хөкем сөрсен, йөрәкләрегездә яшьлек дәрте мәңге сүнмәсен. Бәйрәмегез белән сезне!