Бүген – 16 сентябрь көнне Актаныш районы йөгерешчеләре Бөтенроссия йөгерү көне “Милләтләр кроссы – 2018” һәм “Татарстан кроссы – 2018” ярышына кушылды. Чарада барлыгы 700 кеше катнашты. Милләтләр кроссы - гади спорт ярышы гына түгел, күпмилләтле илебез халкын тагын да берләштерүче мөһим чара. Анда катнашып, үзеңне спортчы буларак күрсәтергә була. Кросс үзеңне сынап карау өчен менә дигән мөмкинлек булды. Чарада безнең мәктәптән дә катнашучылар булды. 7 нче сыйныфта укучы Зәкиева Диләрә белән Сиразова Динара да үзләрен сынап карады. 18-30 яшьлек хатын-кызлар арасында Физкультура укытучысы Фатхиева Мария Олеговна 2 нче урын яулады. Аларга киләчәктә дә уңышлар һәм яңа җиңүләр телибез!