Россия Федерациясе регионнарында һәм чит илләрдә татар телен һәм мәдәниятен үстерү, саклау һәм үстерү; М.Җәлилнең иҗади мирасын популярлаштыру, фронтовик-язучыларның иҗатына карата кызыксынуны арттыру; талантлы укучыларны ачыклау, аларга үз-үзләрен күрсәтү өчен мөмкинлекләр бирү максатыннан, 2019 елның октябреннән алып декабренә кадәр «Җәлил укулары»дип аталган II Халыкара әдәби конкурс үткәрелә. Мәктәбебезнең район турында җиңү яулаган укучылары Мотавалова Әлфия, Хамзина Наилә (9 класс), Шакурова Д(2 класс)  24 ноябрь көнне Тукай районы Абдул авылында оештырылган зона этабында уңышлы чыгыш ясап кайттылар (Укытучылары Фаррахова Р.Р.,  Гиздатуллина А.И.). Кызларыбызга тагын да иҗади уңышлар телибез.