Без алга киткән технологияләр заманында яшибез. Бүген интернетсыз тормышны күз алдына китерү дә кыен. Балаларны компьютер каршыннан аерып алып булмый. Шуңа күрә аны куркынычсыз итү дә бүгенге көндә бик актуаль. Бу бигрәк тә мәктәп укучыларына кагыла. Мәктәбебездә "Куркынычсыз интернет" темасына укучылар белән әңгәмәләр уздырылды.  Укучылар интернет аша үтеп кергән куркыныч, аларның ничек таралуы, әлеге куркынычка каршы көрәшү ысуллары белән таныштылар.  Бу башлыча, шәхси мәгълүматларны саклау, интернет мошенниклыклыкның киң  таралган төрләре, шулай ук автор текстларының, музыкаль һәм кино продукциясенең законсыз күчермәләрен ясауны үз эченә ала. Бөтендөнья пәрәвезе ятьмәсенә эләкмичә, кагыйдәләргә буйсынып сак эш итү - һәрберебезнең бурычы. “Сакланганны саклар” гыйбарәсенә таянып эш йөртү кирәклегенә укучыларыбыз тагын бер кат төшенделәр.