28 нче октябрь көнне Меңнәр мәктәбендә "Уңышлы бала тәрбияләүдә гаилә һәм мәктәпнең бердәм эшчәнлеге" темасында ата-аналар җыелышы булды. Бу  җыелыштагы көн тәртибендә 9 нчы сыйныф ата-аналарын ОГЭ буенча яңалыклар белән  класс җитәкчесе Тутаева И.Х. һәм мәктәпнең укыту-тәрбия эшләре буенча директор урынбасары Давытова Г.Г. таныштырдылар. Аннан соң, мәктәпнең тәрбия эшләре җитәкчесе Кашапова Л.Р. "Уңышка юл" темасына чыгыш ясады һәм эшлекле уен үткәрде. Ата-аналар 2 төркемгә бүленеп, балаларның уңышка ирешү юлларын эзләделәр, модель төзеделәр. Уңышлы бала тәрбияләүнең  уңай һәм кире тәэсирләрен язып күрсәттеләр. Уен бик актив һәм кызык үтте. Ата-аналар  кызыксынып катнаштылар һәм үзләренә нәтиҗә ясадылар.