14 февраль көнне герой шагыйрь Муса Җәлилнең тормыш юлы һәм иҗатына багышланган әдәби кичә уздырдык. Анда патриотик шагыйрь турында бик күп мәгълүматлар алдык һәм аның турында белемебезне сынап карау максатыннан ике командага бүленеп ярыштык. ( Оештыручылар: Фаррахова Р.Р., Тутаева И.Х.)

14 февраль - Изге Валентин көне.  Бу көнне без мәктәп почтасы аша хатлар алыштык, бер- беребезгә котлаулар юлладык. Нинди күңелле бәйрәм.

Бүген 5-6 класс укучыларыннан торган команда район "Математик карусель" конкурсында катнашты. (Укытучылары З.Ф.Хамзина)

Бүген 9 класс укучылары математикадан Дәүләт йомгаклау аттестациясенә әзерлек максатыннан Байсар урта мәктәбендә сынап карау шарты белән имтихан биреп кайттылар.

Математика укытучысы Даутова Гөлфинә Гыйлфан кызы "Ел укытучысы" конкурсында 2 турга узды. Аңа алда торган сынауларында уңышлар телибез.

5 февраль көнне Сәфәр урта мәктәбендә 9 класс укучылары рус теленнән сынап карау шарты белән имтихан биремнәре үтәргә бардылар.

Бүген ЮХИДИ хезмәткәре Рәсимә Сәетова белән очрашу узды. Ул безгә юл йөрү кагыйдәләрен үтәү кирәклеген кабат искәртеп, истәлекле бүләкләр тапшырды.

3 февраль көнне рус теленнән "Әкияттә кунакта" әдәби- музыкаль кичәсе уздырылды ( Оештыручы Р.М.Камалова ). Сәхнәләштерелгән күренеш  әкиятләр буенча алынган биремнәр белән аралашып барды. Кичә бик күңелле үтте.

20 гыйнварда Хамзина З.Ф. физикадан "Йолдызлы сәгать" уен-ярышы уздырды. Бу ярышта Ибраһимова А.(8 кл), Гыйлмуллина Г.(7 кл) , Фаррахов Р (7 кл) 1, 2 һәм 3 нче урыннарны алдылар.

22 гыйнварда укучылар сәнгать укытучысы Л.Р.Кашапова җитәкчелегендә укучылар дөнья музейларына сәяхәт кылдылар.