7 сентябрь көнне мәктәпнең туклану буенча җаваплы ата-аналарыннан -Минкина Резеда  укучыларның туклануы белән кызыксынды. Килгән продукцияләр белән танышты. 

Һәр атнаның дүшәмбе укучылар  линейкасында  Дәүләт флаглары кертелеп, шимбә көнне флаг кабат төшерелә. Бүген мәктәбебездә Дәүләт флаглары күтәрелде.

Быелгы уку елында - "Разговор о важном"- "Кирәкле сөйләшү " - класс сәгатьләре шушы программа нигезендә оештырыла. Бүген беренче дәрестә беренче класс сәгате үтте.

3 сентябрь көнне  мәктәптә 9-11 класс укучылары, укытучылар, авылдашлар катнашында "Җиңү диктанты" язылды. Ул үткән тарихыбызга багышланган 25 сораудан торган язма эш иде.

 Быелгы уку елы 102 укучы белән башлана. 1 класска -10 укучы кабул ителде. Белем көне Россиякүләм тәкъдим ителгән Дәүләт флагларын күтәрү белән башланып китте. Хәерле уку елы белән!

13 май көнне район мәдәният йортында  республика, төбәгара, халыкара олимпиадаларда җиңү яулаган укучыларның һәм аларны әзерләүче укытучыларны тәбрикләү тантанасы булды. Мәктәптән- 3 укучы- Гаптрахманова Айгөл( Мансуров А.М.), Ибраһимова Инзилә (Галиева Р.А), Имамов Нияз (Имамова Р.Х.) бу уңышка ия булдылар. Котлыйбыз!

12 май көнне мәктәптә Киров, Пучы, Сәфәр укучылары арасында  "Иң җитез йөгерүче төркем" ярышы узды. Ярыш кечкенәләр, уртанчылар, зурлар төркеме арасында узды. Мәктәбебез укучылары 2-3 урыннарга ия булдылар.

Бөек Җиңүнең 77 еллыгын Олыймән авылыннан Шәкуров Гавис Шәкур улы зур горурлык белән каршы ала. Бүген районыбызның хакимият башлыгы Фаттахов Ингель Нәвап улы җитәкчелегендәге делегация, авыл җирлеге башлыгы, мәктәп коллективы катнашында Гавис абыйларда зур очрашу узды. Бәйрәм белән котлап укучыларыбыз җыр-шигырь юллады, бүләкләр тапшырды.

26 апрель көнне мәктәбебездә Габдулла Тукай туган көне уңаеннан "Тукай яши безнең йөрәкләрдә" исемле әдәби-музыкаль кичә оештырылды. Барлык укучылар да бик актив катнаштылар. Әдипнең иҗатын, тормыш юлын искә алдылар. Шигырьләрен яттан сөйләделәр,әсәрләрен сәхнәләштерделәр, җырларын тәкъдим иттеләр.

Учащиеся нашей школы принимают активное участие в  субботнике по уборке и очистке территории.