Татарстан Республикасы  Мәгариф министрлыгының 13.04.2015 елда чыккан №4610/15 боерыгы нигезендә “Укыту –тәрбия һәм хезмәт эшчәнлеге вакытында хезмәтне саклау һәм хезмәт шартлары” (Охрана и условия труда в процессе трудовой и учебно-воспитательной деятельности”) темасына инша һәм рәсем эшләренең  II республика  бәйгесе  узды.

I этапта  650  бәйге эше катнашты. Безнең районнан  бакчабызда тәрбияләнүче Әһлетдинова Зилә Мирсаф кызының эше район этабында җиңеп, республика бәйгесенә җибәрелде. Балалар бакчаларының мәктәпкә хәзерлек  төркеме балаларының рәсемнәре  арасында, II этапка узган 88 эш арасыннан, Зиләнең эше “Иң яхшы  рәсем” номинациясендә II урынга лаек дип табылды.

28 июль көнне Мәгариф һәм фән министрлыгының актлар залында  бәйгедә  җиңүчеләрне котлау  һәм бүләкләү тантанасы узды.    Тәрбияче Венера Мазгаровнага   мактау кагәзе тапшырылды, Зилә диплом һәм микродулкынлы мич белән бүләкләнде.