Китап яраткан бала булалмый начар, дип әйтеп калдырды яраткан язучыбыз Роберт Миңнуллин. 
  Безнең балалар да бик ярата китапны, хәреф танымасалар  да "укыйлар", рәсемгә карап сөйлиләр, аңлаталар, белгәннәре белән бүлешәләр, уйлап чыгарып, эчтәлек тә сөйлиләр. 
Бүген уртанчылар төркеме нәниләре район балалар китапханәсендә экскурсиядә булды. Китапханәче Алсу һәм Клара апалары тәкьдим иткән яңа балалар китаплары белән таныштылар, журналлар актарып, белемнәрен арттырдылар. Китапханә турында бик үтемле мультфильм да карадылар. Китапханәдә булучылар белә инде:анда бик күңелле уеннар да уйнарга була, утырып түгел шул менә, хәрәкәтлесе дә бар.Интерактив уеннар бик кызыктыра бит нәниләрне.  Моннан тыш, Алсу апалары 3D энцеклопедия белән таныштырды. Беренче караучылар да без булдык. Бик мавыктыргыч китап бар китапханәдә, барыгыз, күрегез.